مش عارفة اللى هكتبه عبارة عن ايه ، لقيت نفسى فتحت نيوبوست وعايزة اصرخ و اعك اى كلام وخلاص
------------------
ربما "قلبى مساكن شعبية" تعبير مناسب ليعبر عن فوضى وازدحام غريبة ملأت قلبى
فى هذه المساكن الخشبية تعيش وجوه متناثرة
وعلى اسطحها تطل الكثير من الكراكيب
و على جدرانها يكتب المراهقون قصائد عشوائية عن الحب او الحرب
ويتخلل حاراتها نيل صغير يحمل رائحة الوطن واسرار العاشقين
وينبت على ضفته الضيقة بعض الكروم او اشجار الصفصاف يلعب حولها الاطفال كل صباح
.. حتى صدر قرار اخلاء وازالة لمساكن قلبى المسكينة ..
السكان يتركون بيوتهم ويلملون اغراضهم
.. والجرافات تبدأ اعمال الهدد ..
حتى نيلى الصغير صدر الامر بردمه
والكروم اليافع تقتلعه الجرافات
اختفى صخب المساكن الشعبية الجميلة وحركتها الدائمة وحل مكانها صمت الخواء المقزز وظلال طلل ساكن
انظر إلى قلبى وهو يعانى من "تقلصات" شديدة تمزقه بعد ان فرغ من محتواه
فتتملكنى الوحدة والاضطراب واليائس ..
و اشتاق لدفء الوجوه المطلة من الشرفات و اغنيات الصغار على الضفة
لكنى اقاوم اشواقى و امنى قلبى المسكين ببناء مدينة جديدة من عالم الخيال
تسكنها اميرات الاساطير وتطير فى اجواءها ملائكة صغيرة
يلعب اطفالها الاستغماية خلف الغمامات البيضاء ويتعثرون فى النجوم الشاردة
تقطنها الشمس ولا ترحل عن سماءها ابدا
لكنه يكره كل هذه الامنيات
ويجرفه الهوى إلى "مساكنه الشعبية" المهدومة
فيدفن وجهه فى بقايا الجدران يلملم كلمات متفرقة من قصائد نــزار
او يدندن لحن حزين من احدى اغنيات منيــر
------------------
:( حد يعرف عنوان دكتور نفسانى كويس؟
RSS Feed (xml)
28 comments:
انا فوجئت لما البوست خلص اني خرجت من مكان غريب فجأه
المكان ده هو الي رسمته كلماتك و احساسك
ابدعتي الكلام
وبالنسبه للطبيب النفسي اللي انتي عايزاه انا اعرف دكتوره هااااااااااايله
تقدري بكل بساطه تتكلمي معاها ...لما تقفي قدام اي مرايه
تحياتي
عزيزتي قطرة المحيط
عود حميد لمدونتك و كلماتك ، تقلصاتك القلبية جميلة جدا في عفويتها و بساطتها و انطلاقها، لم أتعجب حين وجدت نزار و منير بين ذكرياتك المزاجية، فهما متوائمان تماما مع طبيعتك ، طبيعة شاعرة ، تحياتي و تقديري
آه ، لقد نشرت الجزء الأول من حواري حول أسئلتك عن المرأة في الاسلام
تحياتي و تقديري مرة ثانية
عن الطبيب النفسي ، أعرف واحدا توقف عن الممارسة منذ قرابة الاحدى عشرة سنة ، و تحول الى هاوي للبشر و نفوسهم و شخصياتهم :)
و يالها من هواية
سعودى
بجد شكرا ،انا عملت زى مابتقول و روحت للدكتورة دى فعلا وقعدت اكلمها واعيطلها صحيح هى مش عندها حلول ، بس ع الاقل بتحبنى وبتسمعنى
تحياتى
سيدى اياد
نورت المدونة ياافندم ، واول مااستعيد عقلى هروح جرى تانى اقرا الكلام اللى كتبته ف موضوع المرأة فى الاسلام
و ادعيلى التقلصات دى تخلص عشان انا مش عارفة اتأقلم معاها... بينى وبينك انا سمعت منير فى حياتى مرات قليلة اوى تتعد على الصوابع ومش من اللى بيطاردوا قصايد نزار ف المكتبات و ع المواقع ، بس حاسة انهم اللى كانوا الملامح الاساسية فى "مساكن قلبى" وماليين جوها دفا بطريقة او باخرى ... ممممممم .. فعلا "يالها من هواية"
اعذرنى لو كان كلامى مش راكب على بعضه
كل احترامى ومحبتى
لا ولا دكتور نفسي ولا حاجه
دوري بس علي الاشياء اللي بتفرحك وانتي هتبقي كويسه ان شاء الله
تحياتي
مرحلة الأرهاصات دى محطة مهمة فى حياة اى انسان , وكتير منا بيمروا بيها .. صدقينى انا بمر بها حاليا , وعلاجك مع نفسك , فى الكلام والفضفضة مع حد بيريحك الكلام معاه أو معاها
مهند
تعرف .. انا كان فى حاجات عبيطة اوى وبسيطة دايما بتفرحنى ، بس المشكلة جربتها الفترة دى ومنفعتش .. تقريبا الحزن كبر منى اوى والحاجات دى مبقتش دى تأثر فيه ، محتاج مواجهة جديدة ..ادعيلى
حازم باشا سويلم
معاك حق ،انا حاسة انها "مرحلة مصيرية" شوية ممكن تغير فيا حاجات كتير .. بس يارب نطلع منها بااقل خساير ممكنة والتغيير ده يبقى للاحسن.
الفضفضة علاج كويس ، بس بما انى حاسة انى وحيدة اوى فقررت افضفض لنفسى زى ماقال سعودى .. شغاله اهو ربنا يعديها علينا على خير
كل تحياتى
اتفق تماما مع محمود سعودي في تعليقه
ايتها المحاربة
الجميلة
الصغيرة
لو حبيتي تتكلمي
قولي ايه اللي مضايقك
يمكن اعرف افيدك
متقلقيش درست علم نفس
بشويش طيب لأحسن أنا مش طالبة معايا عياط ..
المدونة جت على وتر حساس جدًا عندي خصوصًا إني بمر بمرحلة من عمري بخسر فيها ناس وبحاول ابدأ من جديد ..
شكرًا لتعبك بالكتابة ..
اموت وافهم العنوان بس مش مشكلة انا الصراحه مليش تعليق على البوست علشان انا معرفش لانزار ولا تامر حسني يعني مش فارقة الكلام ممكن يكون جميل اللي انت كتبتيه المهم حكاية الدكتور هيا مش عاوزلها دكتور اصحي الفجر او قبله او بعده عارف ايه اللي في بالك حقلك انا مقلتلكيش تصلي انا بقلك اصحي وافتحي البلكونه او الشباك واتنفسي الهواء ورجعي حياتك اعمليها كل يوم لحد ما تخلصي مراجعة حياتك انا مش هقدر افيدك كتير علشان الحمد لله انا ضد الاكتئاب
تحية طيبة قطرة
متى ستكونين سيدة المحيط كي يحتويك كلك .لا ترضي بأن تكوني قطرة فقط ..انظري بصفاء إلى العوالم
أغمضي عينيك و ارفعي رأسك عاليا دعي الهواء يتدفق لروحك و يأخذك إلى سماءات عليا..حيث لا شيء سوى الإرتقاء
شعور فياض جربته كلما بدأت الدنيا تسحبني لتحت كلما جرت الدنيا أن تعلمني الشرود
جربت جرعات متتالية من الصفائية ..هل جربتها ذات مرة؟؟ لأنها وحدها طبيبي النفسي
تحية حب من أسرار
احساسك جميل جدا
وبجد نزف قلبك رائع ورقيق رغم انه حزين اوي
بس حسيت ان احساسك صادق اوي وانتي بتكتبي
وعشت معاكي كل كلمه
وحسيت بالحزن من حزنك
لما انسانه جميله زيك تحزن يبقي الفرح لمين
حاولي تبصي لكل شيء كويس وحلو ولو مش لقيتي
اخلقي من دنيتك افراح واماني واحلام
يسلم قلبك وعقلك من كل حزن والم
تحياتي وورودي ليكي يا احلي قطره في محيط الدنيا
سلامي
يا جميلة ..
مكنتش ناقص وجع قلب أو وجع إحساس ..
بس كل ما أفكر بإني مكنتش ناقص الحاجات دي .. أكتشف بإن المزيد منها دايمًا بيكون حلو وليه طعم لافت وجميل ..
شكرًا على زهور نزار وأغنيات منير
انا اعرف واحد كويس جدا
اية رأيك؟
بس بيعلج بطريقة غريبة جدا
تحبى تجربى؟
لما تعرفى ابقى قوليلى اروح معاكى للدكتور
وسلام
http://salafiana.blogspot.com/2008/04/blog-post.html حملة مقاطعة المنتجات الهولنديه .. هنا أغلب المنتجات الدنماركيه .... أنشروا ولكم الأجر
مصطفى فتحى
ربنا يخليك يا رافع معنوياتى
مهند
هيييه ، لقيت دكتور يعنى؟ :)
احمد
لا بلاش عياط وخلينا بعيد عن الوتر ده خالص ، ان شاء الله كل حاجة هتبقى كويسة :)
تحياتى كلكو كلكو
صديقى اللدود الفقير إلى الله
اولا نورت البلوجسفير وسورى انا عارفة انى مقصرة معاك بس معلش
اقولك سر ، انا حاسة انك مقرتش البوست (وش مطلع لسانه) ، اعترف يامحمد الانكار مش هيفيدك ، نص العنوان الاول معناه ف اول سطر ف البوست، والنص التانى مكتوب بين قوسين ف نص الكلام ،الموضوع مش عن نزار ولا تامر حسنى (مين جاب سيرته)وممكن تعتبرهم مش ف البوست خالص لو مضايقينك، اللى واكل عقلك (وش مطلع لسانه) .. المهم الوصفة دى كويسة اوى انى استقبل اليوم الجديد بإنى اشوف السما واتفرج ع الشمس وهى بتطلع :) ثانكس ياباشا ربنا يخليك دايما ضد الاكتئاب وضد كل حاجة وحشة
سيدتى اسرار انثى
اقتباس :"انظري بصفاء إلى العوالم
أغمضي عينيك و ارفعي رأسك عاليا دعي الهواء يتدفق لروحك و يأخذك إلى سماءات عليا..حيث لا شيء سوى الإرتقاء
شعور فياض جربته كلما بدأت الدنيا تسحبني لتحت كلما جرت الدنيا أن تعلمني الشرود " كالعادة وبلا مبالغة كلماتك تكفى لتأخذنى إلى تلك السماءات العليا
نعم سيدتى ، جربت جرعات الصفائية مرات عديدة ولها حقا مفعول السحر ، لكننى احيانا اضل طريقى إليها وانا اتقفى اثرها بين الغيوم
كل محبتى لصاحبة القلم والقلب الاروع على الاطلاق
زهرة الحب
انتى اللى جميلة جدا
بجد اتبسطت لما عديتى عليا .. ومتحرمناش من نورك ياقمر (انا كده بعاكسك على فكرة :))
ميرسى على احساسك الرقيق ده
تحياتى
هيومن باشا
انت بتتكلم جد؟ انا عمرى ماتخيلت نفسى عند دكتور نفسى بتعالح مش عشان حاجة ، بس عشان انا متهيألى انى بيكفينى اوى ويريحنى انى اكلم حج عارفة انى فارقة معاه حتى لو مش هيفيدنى اكتر من حد فاهم اوى بس مش متأكده ابدا انى فارقة معاه ...مممممم ايه اللخبطة دى مش مشكلة ...طريقة غريبة ! ايه الحاجات المريبة دى لالا انا خلااااص بقيت كويسة :))
فنان جيولوجى
طلع فى ناس كتير اهو ، متروح تجرب الحكاية دى انت الاول بعدين انا هحصلك :)
تحياتى
تحية طيبة
كيف حالك يا قطرة ..على فكرة قاربت على الإنتهاء من قراءة كتاب كارل ساجان هو جميل و أسلوبه بديع لكنه لن يصل أبدا إلى رقي القرآن الكريم ليس هناك كتاب سيصل..
من كثرة قراءاتي للقرآن و فهمي العميق لآياته و المرادات الإلهية منه ..كل مرة أشعر أن اللغة العربية في يدي خاضعة خانعة و أنها مطيعة ألهو بها كيفما و أنى شئت
أردت أن ألقي عليك تحية حب
كل الود صديقتي
عزيزتى
مع انى سالتك اساله كتير
ولن اجد اجابة عندك
او تجاهلتى تجوبى سيان
بس برضوا هعلق عندك
انتى عاوزه تتكلمى فى كل حاجه خنقاكى بس اللى خنقك كتير ومن كتره مش عارفه تتكلمى فى ايه ولا ايه
حولى تشيلى الكراكيب ده وركزى شوية
ولو جمال المبانى راح
ممكن جوه العشش دى يخرج شئ جميل
المهم التقلصات اللى فى قلبك دى تلاقى دواها
انتى شئ ملخبط
ولازم شئ يرتبه
تحياتى
سلام
pls law la2eety 3enwan doctor nafsani mateb7'aleesh 3alaya beh
:)
regards
هلا بك اختي غلا .اكيد اذكركم وعائلتكم الكريمة ربي يحفظكم .بكل امانة كومو وقاردا وباقي البحيرات من حولها جميلة وانصح بزيارتها ماعدا شهر الصيف لان الحر اللي فيها لا يطاق .المنطقة بكل صراحة جميلة لراسين ينطنطون حول مدنها وصعبه شوي على عائلة كبيرة ماعدا منطقة جنوب قاردا المدن الترفيهية فيها جدا ممتعة .الله يرزقكي برجل ذوق مثلك يحب السحر الايطالي اللي اصابك واصابنا واصاب الكثير من الاحباب .بالفعل اختي ماتنلامين سحرهم من النوع اللي يسطل انتي تقولين عندي مسطولة .والخير عندنا وعندكم
Post a Comment